«ՀԷՑ» ՓԲԸ-ն հանդիսանում է Հայաստանում ամենախոշոր և հիմնական էլեկտրաէներգիա բաշխող և իրացնող ընկերությունը՝ սկսած 2002 թվականից։ Ընկերության ցանցերի ընդհանուր երկարությունը կազմում է 36հազ. կմ, որի արդյունքում սպասարկվում են ավելի քան 1մլն․ սպառողներ:

iNFOEXPERT ընկերության հետ համագործակցությունը սկսվել է 2016 թվականից, երբ «ՀԷՑ» ՓԲԸ-ն հաշվապահական հաշվառման համակարգերի ավտոմատացման և ողջ հաշվառումը մեկ միասնական համակարգում ներառելու համար փնտրում էր կազմակերպություն, որն ի վիճակի կլիներ անհատական մոտեցմամբ լուծել տարբեր աստճանի բարդության խնդիրներ։ iNFOEXPERT-ը դարձավ այն ընկերությունը, որը ստանձնեց այդ բարդ ու պատասխանատու գործընթացի իրականացումը։

Ներդրվեցին  1C: Հաշվապահություն և 1C: ERP համակարգերը:
Ծրագրային ապահովումը թույլ տվեց ավտոմատացնել ոչ միայն կազմակերպության աշխատանքը, այլև՝ համագործակցող կապալառու կազմակերպությունների աշխատանքը։
Ստեղծվեց մեկ միասնական հարթակ և տվյալների կենտրոնացման շնորհիվ առավել դյուրին դարձան կազմակերպության մարդկային, ֆինանսական, նյութական ռեսուրների բաշխման պլանավորման և կառավարման աշխատանքները։

Ստեղծված հարթակը հնարավորություն է տալիս հետևել աշխատանքների ընթացքին՝ ներդրումային ծրագրի ստեղծումից մինչև ավարտական ակտեր՝ ներառելով նախագծային – նախահաշվային և շին․ աշխատանքները:

Ստեղծվել է նաև պրոյեկտների կառավարման համակարգ, որի միջոցով ավտոմատացվել են հետևյալ գործընթացները՝

• պրոյկտների անձնագրերի ձևավորում
• նախագծային աշխատանքների պատվերներ
• նախահաշիվների ստեղծում և հաստատում
• շին․ աշխատանքների պատվերներ
• կատարողական ակտերի ձևավորում և հաստատում։

Կառուցվել է լոգիստիկ կենտրոնի ֆունկցիոնալ, ինչը հնարավորություն է տվել իրականացնել՝

• նախահաշիվներով և ներքին պահանջարկի գրանցման փաստաթղթերով ստեղծված պահանջարկի բավարարում՝ ազատ մնացորդի ամրագրումով
• տրանսպորտային միջոցներով տեղափոխման կազմակերպում
• տրանսպորտային միջոցների վիճակի գնահատում
• մերժված պահանջարկից գնումների պլանի ձևավորում։

Հաշվի առնելով ներդրումային ծրագրերը՝ ավտոմատացվել են պայմանագրերի կառավարման գործընթացները՝ ապահովելով ձեռք բերվող ապրանքանյութական արժեքների, ծառայությունների քանակական և ֆինանսական հսկողություն, ինչպես նաև վճարումների գրաֆիկի և դրա կատարման հսկողություն։

Ավտոմատացվել են գնումների պահանջարկի հաշվարկի և մրցութային լոտերի ձևավորման գործընթացները՝ հիմք ընդունելով նախահաշիվներով և հաշվարկային փաստաթղթերով գրանցված պահանջարկը, նախորդ ժամանակաշրջանից տեղափոխվող աշխատանքների ծավալները, անալոգներով փոխարինման հնարավորությունը և պահեստում առկա մնացորդները։
Ստեղծվել է ՀՄ հաշվառման բլոկ՝ ըստ կապակցող խմբերի, համայնքների, անհատույց ստացված մասի, նյութական պատասխանատուների և վիճակի՝ ապահովելով և՛ ֆինանսական, և՛ հարկային հաշվառում՝

 

• ձեռքբերում, ճանաչում, մաշվածքի հաշվարկ ըստ օրերի և մնացորդային ժամկետների
• լուծարում, լուծարումից առաջացած նյութերի դետալների առանձին հաշվառում (նաև մասնակի լուծարում)
• կլանում, տրոհում
• ՀՄ նորոգումների պլանավորում
• կապիտալացվող ծախսերի դասակարգում։

Ստեղծվել են նաև՝

• նոր միացումների հաշվառման համակարգ
• անավարտ ոչ ընթացիկ ակտիվների հաշվառման համակարգ
• հանրային ծառայությունները կարգավորող հանձնաժողովին ներկայացվող հաշվետվությունների համակարգ (թվով 12 հաշվետվություն)
• ներդրումային ուղղությունների հաշվառման համակարգ՝ ներառելով պարտավորություններ, դրամական հոսքեր և ծախսեր
• առկա այլ ծրագրերի հետ ինտեգրման համակարգ։

Բոլոր ենթահամակարգերի համար ստեղծվել են ավելի քան 300 հաշվետվություններ:

iNFOEXPERT
Ավտոմատացում առանց սահմանների